A Xunta e o Concello andan a voltas co proxecto de auditorio en Marín

O pasado 3 de agosto tivemos que ler nos medios de comunicación unha nova noticia desalentadora sobre a futura construción do auditorio en Marín. O alcalde anunciaba que a Xunta desestimaba o Parque Eguren como ubicación por cuestións "técnicas e de mantemento" do edificio.

É negativa por que non imos ter auditorio en moito tempo, pero é positiva por que non imos perder un parque que serve de zona de lecer para moitas persoas.

Estamos ante un episodio máis do que podemos definir como un culebrón. Temos un auditorio virtual que vai pasando dun sitio a outro cada vez que o responsábel político de turno fai unhas declaracións sobre o mesmo. Tirando de hemeroteca temos o seguinte resultado:

· 11/11/2002 Política Territorial agiliza los trámites para la obra del auditorio

· 3/6/2003 Política Territorial elude poner fecha a la licitación del auditorio de Marín

· 30/1/2004 Puerto, Concello y Xunta consensúan el auditorio en la plaza de España. El auditorio de Marín se construirá finalmente en terrenos del puerto, en el entorno de la plaza de España y la avenida de Ourense.

· 30/1/2006 El auditorio no se construirá en el puerto frente a la plaza de España

· 31/1/2006 Los independientes quieren el auditorio en el parque Eguren

· 2/2/2006 Política Territorial mantiene la opción del puerto para ubicar el auditorio

· 15/11/2006 BNG y PSOE difieren en el Parlamento sobre la ubicación del auditorio

En xuño do ano pasado , concretamente o día 7, a conselleira de política territorial, a Sra. Caride, manifestaba en Marín que o auditorio sería unha realidade que ía ser construído. Unha promesa electoral para contentarnos.

A finais de xaneiro do presente ano o anterior alcalde, Toneco, declaraba que o auditorio non se facía no porto. Deixábase o camiño libre para a ubicación dun "centro de negocio" neses terreos e dáballe un golpe baixo na liorta electoral ao BNG que defendía esa ubicación.

É curioso que en 8 anos o auditorio mudase de ubicación cada ano conlevando o evidente retraso na construción e o desfase do proxecto e orzamento daquel momento mentres que o centro de negocio non necesitara máis que un par de meses en ter orzamento, proxecto e ubicación, coma sempre o privado parece primar máis que o público.

Entre declaracións duns e doutros, localizacións no porto ou no parque Eguren, partidas nos orzamentos da Xunta para o auditorio que se repiten ano tras ano e que non se materializan, dende o Colectivo Nacionalista lanzamos unha proposta realizábel (o pasado mes de outubro) como é colocar o auditorio na Raña, intregrando no mesmo o pazo hoxe en ruínas.

Deste xeito recuperaríase un entorno e unha construción de valor histórico e patrimonial e, teriamos en Marín unha gran zona de equipamentos culturais, deportivos e educativos sen ter que destrozar un parque que é de uso diario de moitos rapaces e rapazas que xogan nel. Manteriamos tamén un gran escenario ao ar libre para grandes concertos e eventos culturais.

Ademais, queremos aproveitar para demandar a urxente revisión das instalacións deportivas do parque Eguren, concretamente as canastras, que están nun estado lamentábel e algunha delas en perigo de caír.

En Marín estamos fartos das liortas políticas entre PP, PSOE e BNG, entre a Xunta e o Concello. Necesitamos que o novo goberno municipal demostre a súa capacidade de xestión e acade resultados traendo os cartos e buscando unha ubicación para o auditorio. Non se poden aceptar escusas "técnicas" nin dicir que non se ten nin idea de onde construílo. Están demostrando que non merecen os altos salarios que se puxeron por xestionar a administración local.

Marín, 9 de agosto de 2007.