Recentemente tivemos coñecimento público dunha série de irregularidades urbanisticas que se estaban producindo en Seixo, esta denuncia fora feita por diversos colectivos sociais desta parróquia.

Unha destas obras, concretamente un "chalet" ao lado da praia dos Namorados, resulta especialmente escandalosa polo incumprimento fragante de diversas leis, a Lei do Solo de Galicia e a Lei de Costas. Escandaloso é, legal e esteticamente, o muro que construiron con total impunidade enriba do mar.

Apesares das denuncias efectuadas esta obra non está paralizada, e as persoas que acuden a esta praia poden ver como camións e maquinária pesada continuan traballando sen nengun tipo de problema.

É urxente que por parte da administración correspondente se tomen as medidas que estabelece a lexislación e se proceda á paralización da obra e á reposición da legalidade. Sexa a Conselleria de Obras Públicas, que ten competencias, ou ben o Concello. O que non podemos asistir os veciños e veciñas de Marin é a un novo peloteo competencial entre administacións mentras na nosa vila reina a lei urbanistica da selva.

Esta é unha mostra máis da deixadez e relaxación en matéria de urbanismo por parte dos que teñen a obriga de velar polo cuprimento da lei. Exemplos temos abondo no noso concello: muros que collen camiños públicos con total impunidade e por parte do governo municipal se actua tarde e mal, normativas urbanisticas que se cámbian para beneficiar a constructores en detrimento das necesidade dun coléxio, poderiamos poñer alguns máis.

Os e as cidadáns temos a sensación de que os encargados de atender e defender o público, na práctica, actuan en benefício de intereses privados, transformando as institucións en organismos inoperantes fronte aos abusos urbanísticos.

Desde o Colectivo Nacionalista demandamos do Concello e da Conselleria de Obras Públicas solucións exemplares que devolvan ao povo a confianza nas administracións como garantes dos intereses xerais, e non dos particulares dalguns aproveitados.