Desde
o Colectivo Nacionalista queremos manifestar o noso apoio a Movilización
que diversos colectivos sociais van convocar para reivindicar a construcción
do Hospital Único en Pontevedra. O concello de Marin está
integrado na Área Sanitaria Norte da provincia de Pontevedra,
polo que temos que padecer a penosa situación de saturación
e falta de medios humanos en que se atopan o Hospital Montecelo e o
Provincial.
A
esta situación temos que engadirlle a división da Atención
Primaria na nosa vila en dous centros separados fisicamente, mentras
esperamos ao tan prometido novo centro de saude que non dan feito nin
o goberno local nin o autonómico despois de moitos anos de espera.
Cada
certo tempo, e estes dias tivemos que padecelo, asistimos ao lamentábel
espectáculo da saturación das admisións e á
imaxe das camas polos pasillos. É necesario un toque de atención
aos nosos gobernantes para que se tomen en serio e poñan os cartos
que garantan unha atención sanitaria digna. A cidadanía
ten que facer un chamamento contundente e movilizarse para que se fixen
xa os prazos máis curtos posíbeis de execución
do Hospital Único e non se quede só en mera propaganda
eleitoral.
Temos
que sumarnos ás voces que denuncian que esta situación
está provocada por todos os partidos políticos que tiveron
e teñen responsabilidades de goberno. Os de antes, o Partido
Popular que se adicou a desmantelar os servizos públicos e desviar
os orzamentos aos centros privados, e os de agora, PSOE e BNG, que non
están dando mostras de facer nada por cambiar esta política.
O cambio de goberno non trouxo o cambio das políticas nin o incremento
necesario para potenciar a sanidade pública.
A
asitencia sanitária hospitalaria na Área Norte da provincia
de Pontevedra caracterizase, despois de moitos anos de deixadez, pola
saturación e o conseguinte desvio de pacientes aos centros privados.
Polas longas listas de espera que crean unha incertidume entre os enfermos
por saber cando van ser atendidos. Pola falla de medios materiais e
humanos. Todo isto consecuencia da descapitalización e o desvio
do investimento público hacia intereses privados.
A
proposta feita polo Presidente da Xunta o pasado mes de decembro é
virtual, un Hospital Único para o 2013 sen financiación
nin prazos pero con moitos medios propagandisticos para convencer á
opinión pública de que van facer o tan prometido hospital.
Xa estamos acostumados a este tipo de anuncios previos a un proceso
eleitoral que son esquecidos o día seguinte ás eleicións.
Un
sistema sanitario moderno e eficaz é fundamental para garantir
a calidade de vida dos cidadáns, polo tanto é necesario
defender un sistema sanitario público con medios, eficaz na xestión
e coa dotación de persoal. Isto consiguese mellorando a Atención
Primaria que se presta nos centros de saude, o que evita un desvio de
pacientes hacia as urxencias hospitalarias. Lamentabelmente en Marín
este servizo está dividido en dous centros masificados e que
non contan co instrumental imprescindíbel para realizar tarefas
que permitan liberar a presión sobre os hospitais.
Para
cando o novo centro de saude en Marín? Se non hai partidas concretas
nos orzamentos da Xunta moito nos tememos que se quede esquecido co
auditorio ou as vivendas sociais prometidas. Os xestores da administración
autonómica e municipal xa non teñen credibilidade para
o noso pobo e so dan mostras da sua incapacidade para traer ao noso
concello nin a máis mínima inversión. Nin tan siquer
son capaces de dar contestación ou estudar propostas en positivo
como a demanda do uso civil do Hospital da Escola Naval.
Facemos
un chamamento á cidadanía a que participe na movilización
que se está preparando para poñer de manifesto que non
estamos dispostos a permitir que continue esta situación de deterioro
da asistencia sanitaria.
Marín,
16 de xaneiro de 2006