Estamos asistindo este verán a contínuas críticas por parte da cidadania ante o lamentábel estado en que se atopan os contenedores de recollida de lixo, papel e vidro na nosa vila.
Como ben sendo habitual nesta época do ano os fedores e o mal aspecto son unha moléstia que temos que padecer os que viviemos en Marin e aquelas persoas que nos visitan, dando unha imaxe un tanto terceiro-mundista.
Temos que reitarar, un ano máis, a nosa crítica a esta situación. Desde o Colectivo Nacionalista levamos tempo, xa no ano 2003 solicitamos solucións a este problema, demandando que por parte da empresa concesionária do servizo de recollida se cumpra o prego de condicións, o contrato que ten co Concello, e limpe os contenedores cada quince dias na temporada estival, cada mes o resto do ano. Está claro que esto non se fai, polo que a calor xunto coa suciedade dan lugar a unha situación de penosidade.
A esto hai que engadir-lle a suciedade en que se atopan as beirarruas. Onde están as máquinas de limpeza que tan espectacularmente nos apresentaron nos meios de comunicación e que custaron tantos millóns? Temos que dicer que últimamente non se ben por ningures.
Mentras desde o Concello sacan bandos de ornato e limpeza demandando aos veciños algo que son os primeiros en incumplir, como é o coidado do aspecto das ruas. De nada serven as bandeiras verdes se realmente non se coida o aspecto da nosa vila. Non se pode dar unha imaxe asi un ano en que temos tantos visitantes e pretendemos que ser unha referéncia turística.
A raiz do problema está na privatización capichosa do servizo de recollida. Desde o princípio a empresa non da cumprido as tarefas de limpeza de contenedores, repetindo-se cada ano esta situación. Tan só no inverno cando a calor e as chuvas minimizan a falta de limpeza non temos que soportar este problema, pero non porque se cumpran os prazos no aseo dos contenedores.
Non se entende o trato de favor que por parte do governo municipal se lle da a esta empresa, que veu incumprindo as suas obrigas constantemente na limpeza, na recollida e na construcción dunha nave própria para os seus camións, polo que agora segue utilizando unhas instalacións públicas.
Queremos pedir-lle ao Sr. Alcalde que exerza como tal e solucione esta situación de deterioro estético e hixiénico das nosas ruas. Que a empresa concesionária limpe os contenedores e as beirarruas, que non esperen a que chova de novo para que lles solucione o problema, cumprindo os condicións contractuais polas que se lle paga.Marin, 21 de agosto de 2006.