Demandamos a reparación do servizo de internet na Biblioteca

Dende hai uns meses o servizo de internet que debía funcionar na biblioteca municipal está suspendido a causa dunha avaría no router, impedindo aos/ás numeros@s usuari@s deste servizo acceder a internet como viñan facendo habitualmente. Malia as queixas por esta situación xa expresadas nos medios de comunicación polos usuari@s da biblioteca ninguén no concello parece mover un dedo para solucionar a avaría e repoñer o servizo.

Mais esta vez a culpa non é só da Concellaría de Cultura de Marin xa que o mantemento e o bo funcionamento deste servizo dependen do Ministerio de Industria e da Consellaría de Cultura da Xunta, en mans do BNG, a cal non lle procesa unha gran simpatía á nosa vila debido as súas desavenencias co grupo dos independentes , tendo que sofrer os/as cidadáns/ás as rencillas entre estes dous grupos políticos.

Esta avaría non é un feito illado senón que reflite a incompetencia dos que nos gobernan xa que o periodo de tempo dende que se concedeu a subvención para a instalación deste servizo até chegar a estes momentos está plagado de despropósitos, xa que primeiro a falta de equipos e logo a de mobiliario foron retrasando a entrada en funcionamento deste servizo.

Mentres noutros concellos existen diversos puntos de acceso gratuito a internet e incluso vilas como Salvaterra e Ponteareas están poñendo en funcionamento unha rede wi-fi que permitirá a tod@s @s veciñ@s acceder gratuitamente a rede de redes dende calquera lugar do municipio, en Marin, unha vez máis, temos que contemplar con envidia estes progresos noutras vilas cando na nosa os mínimos avances conseguidos, como internet, quédanse en nada por culpa da deixadez d@s polític@s.

Porén dende o Colectivo Nacionalista esiximos ao goberno municipal, agora que están nun eufórico período preelectoral que ademais de bachear e repavimentar as rúas de Marín reparen e volvan a poñer en funcionamento o servizo de internet na biblioteca municipal.